महाराष्ट्रातील प्रत्येक सामाजिक व राजकीय कार्यकर्त्याने आपल्या मतदारसंघातील सर्व महिला, पुरुष, युवक, शेतकरी, ज्येष्ठ नागरिक यांना मोबाईलच्या माध्यमातून जोडले आहे. नागरिकांशी सातत्याने संपर्क ठेवण्यासाठी व्हाट्सअप स्टेटस, ग्रुप्स आणि ब्रॉडकास्ट लिस्ट तयार करून त्यांना सध्या वाढदिवस, जयंत्या, पुण्यतिथी किंवा अभिनंदनाचे संदेश पाठविले जातात. अशा संदेशांचा नागरिकांना काही एक फायदा होत नाही, कारण अशाच प्रकारचे संदेश इतर नेते - कार्यकर्त्यांद्वारे देखील पाठवले जातात. अशा,एसेज-इमेजेस पेक्षा नागरिकांना त्यांच्या आयुष्यात उपयोगी पडेल, फायदा होईल, किंवा ज्ञानात भर पडेल असा कंटेंट पाहिजे आहे. नेते जयंत्या-पुण्यतिथ्यांचे भाकड संदेश देतील, ते नागरिकांना आवडतील व ते आपल्याला मतदान करतील, अशी स्थिती सध्या नाही.